Bawnthur tiih kotu a neih laiah Kawlhang tiih kotu khal a nei bet
thotho. A hmel a mawi in mit a la lohli ringring. Cun, mi tampi ih ei
duhmi leh duhzawng khal a si bet. Culawng si loin, taksa hrangah thatnak
tampi a nei tel bet hi cu bawnthur (kawlhang) ngainatu hrangah cun a
hlawk thlak nasa cuang ce ding.
Bawnthur (kawlhang) hin
vitamin ci tampi a neiih nitin ih ei telmi si ringring ding khalah a
duhum ngaingai. Taksa hrangih vitamin tha a pai telmi hreakkhat tla
cu-Vitamin A, B6, C leh K, Magnesium, copper , niacin, thiamine,
phosphorus, potassium leh folate tla an si.Mi tampi ih an hngilh pang theumi pakhat cu bawnthur(kawlhang) hi vurbawm (refrigerator) sungah an ret pang theumi hi a si. A suan ih suan ding lole thildang thawi rawiih kio cih ding a si ahcun a poi lo nan, a hel (a hring) ih ei ding ahcun vurbawm ih ret hi thil tha a rak si lemlo. Bawnthur hin tidai tampi a cawm tel cia ruangah vurbawm ih kan ret cun a sungih tidai ummipawl kha an rak khal dingih cucun kan pumpi hrang siatnak a thleng thei.
A Thatnak Ci (10) In Kan Thlir Khawm Pei
&&&&&&&&&&&&&&&&&&&&&&&
1) Bawnthur ei tam hin kansar (cancer) a malter thei tiih zum a siih hlei ah dang kansar, kaa sung kansar, nau inn zin kansar, cuap kansar, pumpi kansar, rilpi kansar leh kansar natnak ci dangdang tel in tampi a bawm thei.
2) Bawnthur ah calcium tampi a tel ti na rak thei dah lo men thei! Cun, Vitamin K khal a tel ruangah ruhcang hrangah a tha ngaingai ih a damcak ter ringring.
3) Zan itthat thawtertu tha tak khal a si. Na itthat tha thei lo a si pang le bawnthur kha juice ah in lohli aw.
4) Bawnthur hi vun hrangih sibawite vek a si. Bawnthur hin vur cuar siseh, nisa et ruangih vun mawilo mi siseh a kilkhawi theiih vun a mawiter thei.
5) Kuakfawh hin taksa tampi a siatsuah thei nan bawnthur cahnak in a siatmi taksa a kilkhawi in a tuah tha sal thei.
6) Bawnthur ah hin #antioxidant timi tamngaipi a um ih himi in #cell siatmi leh thalomipawl a malter in a tuahtha sal thei.
7) Bawnthur ih telmi Vitamin A hin taksa harhdamnak tampi a thlen ter. Himi Vitamin A hin sam a nungter in mawi tak ih tleu sersi ding tiang cahnak a neiih taksa peng dang hrekkhat, vun, tin, leh haa pawl khal nungdam tak in a tuah thei.
8) Na mit khal in lungawithu a lo sim rero ding bawnthur ei theumi si awla cu! #Antioxidants a tel ruangah eng in a siatsuah thei mi kan mit hi a kilkhawi thei ih mitthim tivek tiang khal a kilhim thei.
9) Thithlum natnak nei pawl hin uar tak in ei thei sehla a duhum ngaingai. #Chromium timi a tel ruangah thisen lakih thi-thlum cangvaih dan a kilkhawi thei.
10) Vitamin A, B, C leh potassium pawl hi thin hrangih thil tha ngaingai an siih cupawl cu bawnthur ah hin tampi an tel ve. Bawnthur ei tam hi thin le lung lam hrangah a tha zet mi khal a si.
Na ei thei zat in ei awla na ei tam zat in na taksa in thathnemnak a ngah phah dingih na hriselnak khal a tha vivo thei in na harhdamnak khal a mawi vivo ding. Taksa a dam cun vun a mawiih zoh a nuam in a harhvang aw ringring.
